與勞力士運動錶相比，相對上較為樸實無華、一直被視為勞力士入門腕錶
嘅Oyster Perpetual 自從換上新裝（唔同顏色漆面面盤）後，亮麗外衣配上依舊高規格內涵，終於一鳴驚人，同佢嘅新裝一樣大放異彩。
至於佢地嘅呎吋、機芯、動力儲存、防水性能、錶盤、錶圈呢類資訊小編都唔喺呢度重覆嘞，有興趣嘅錶友不妨瀏灠我哋現貨新錶連結參詳參詳。
反而小編想喺度同大家講吓嘅，係佢嘅歷史。歷史一般都比較沉悶，但係如果你已經比個女仔吸引咗，自然好想知道佢嘅過去，或者佢個名有咩意思。
其實Oyster呢個名靈感係來自勞力士創始人兼製錶大師Hans Wilsdorf 漢斯.偉士多夫，佢喺一次晚宴時試圖撬開𧐢殼而得嚟。至於Perpetual，則係指勞力士喺1931年發明自動上鍊（恆動）機芯而嚟，嗰款自動錶喺1933年首次亮相，命名為Oyster Perpetual，呢個就係Oyster Perpetual（蠔式恆動）嘅由來。
不過，隨住勞力士推出更多錶款，Oyster Perpetual已經唔再係特定系列嘅專有名詞，例如Daytona, Explorer, Milgauss等等，都具有蠔式恆動嘅獨特特徵。
Comments