睇咗CNN嘅一篇長文，討論有關二手奢侈手錶市場，小編雖然冇企得咁高，望得咁遠，同國際視野完全沾唔上邊，但係都好想同大家分享家自己對二手錶市場嘅見解。先戴番個頭盔先，本文純屬個人見解，與本網站立場無關。
舊錶當新錶戴
喺二手錶市場，從來冇話舊款錶唔夠時尚。相反地，錶越舊就越有價值，因為一來已經停產；二來錶同聽歌一樣，每個人都喜愛經典。而有Ｄ稀有或者限量版嘅款式，其價值和實際價格更可以等同於或高於全新錶。
獨特性
購買二手錶嘅人，追求嘅往往係某牌子特定款式嘅獨特性，以及伴隨而嚟嘅聲望，或者一D難以用金錢𧗾量嘅嘅滿足感。
價格仍會上升
我哋都可以見到，由疫情引發嘅二手奢侈手錶熱潮喺2022年3月達到頂峰，但市場依然強勁，價格水平仍高於疫情前的水平。從大局來看，價格仍會上升——始終各大品牌年年加價，自不然成為推動二手市場價格因素。
年輕人加入對名錶的追棒
依家嘅名錶，已經唔再喺你爺爺著住套老西手戴金勞嘅年代，隨處可見二三十歲嘅年輕人戴住心愛嘅名錶出席各種場合。可想而知，名錶年輕化嘅潮流將勢不可擋。
加上名錶品牌推出中古錶認證計劃，無疑會推高二手錶市場價格，從那一個角度看，都是為二手錶市場嘅未來埋下成長嘅種子。
唔知你又如何評價二手錶市場既未來？
Comments