Cosmograph Daytona誕生60週年，勞力士重新演繹整個系列，對錶殼、錶面及機芯進行高精度改造，再次續寫腕錶傳奇。而今次嘅主角，就係 Daytona 126506。究竟126506同116506有咩唔同呢？
首先係鐘點標記同計時盤外圈，呎吋經過調整，重新設計，雖然只係輕微改動，但呢個正正係勞力士對自家出品嘅執著，喺幾乎改無可改嘅情況之下，仍然可以作出調整，令佢視覺上更顯和諧，洋溢現代風格，可見佢哋對追求完美嘅執著。
另外就係經過重新設計嘅中層錶殼，流線型外殼令光映折射更覺優雅迷人。
而呢隻950鉑金款、配有冰藍色錶面嘅126506，更換成藍水晶透明錶殼底蓋，內裡乾坤一覽無遺，呢個設計係首次喺蠔式恒動系列中出現。
而最叫人驚喜嘅係，Cosmograph Daytona今次搭載嘅4131型機芯！呢款全部經由勞力士自家研發製造嘅全新計時機芯，係以4130型機芯為藍本革新升級。新機芯配備鏤空自動陀，夾板上嘅日內瓦波紋，將傳統瑞士製錶修飾技藝重新詮釋，彰顯品牌美學元素。
詳細規格：
Comments